Бүлэг 6Хүний уналт, нүгэл ба түүний шийтгэлийн тухай

Бурхан хүнийг шулуун шударга, төгсөөр бүтээж, сахивал амьдралд хүргэх зөвт хууль өгч,^a түүнийг зөрчвөл үхэл ирнэ гэж сүрдүүлсэн боловч хүн энэ хүндэт байдалдаа удаан үлдсэнгүй.^b Сатан могойн залиар Еваг мэхэлж, дараа нь Ева Адамыг мэхэлсэн. Адам ямар ч албадлагагүйгээр хориглосон жимсийг идэж, өөрсдийн бүтээлийн хууль болон тэдэнд өгөгдсөн тушаалыг санаатайгаар зөрчсөн. Бурхан Өөрийн мэргэн, ариун зөвлөлөөр үүнийг зөвшөөрөхөөр таалж, Өөрийн алдрын төлөө захирахаар зорьсон.

Бидний анхны эцэг эх энэ нүглээрээ өөрсдийн^c анхны зөвт байдал ба Бурхантай нөхөрлөлөөс унасан бөгөөд бид тэдний дотор унасан. Үүгээр үхэл бүгдэд ирж,^d бүгд нүгэл дотор үхсэн бөгөөд сүнс ба биеийн бүх чадвар, хэсэгтээ^e бүхэлдээ бузарлагдсан.

Тэд бүх хүн төрөлхтний^f үндэс бөгөөд Бурханы тогтоолоор бүх хүний оронд зогсож байсан тул нүглийн буруу тэдэнд тооцогдож, завхарсан мөн чанар энгийн төрөлтөөр тэднээс гарах бүх үр удамд дамжсан. Иймээс тэд одоо^g нүгэл дотор бүрэлдэж, мөн чанараараа^h уур хилэнгийн хүүхдүүд, нүглийн боолууд,ⁱ үхэл болон сүнслэг, цаг зуурын, мөнхийн бүх зовлонгийн харьяатууд болсон бөгөөд Эзэн Есүс тэднийг^k чөлөөлөхгүй бол энэ байдалд байна.

Энэ анхны завхралаас, үүгээр бид бүх сайн зүйлд^l бүрэн дургүй, чадваргүй, эсрэг болсон бөгөөд бүх мууд бүхэлдээ хандсан учир,^m бүх бодит зөрчил гардаг.

Мөн чанарын энэ завхрал энэ амьдралын турш дахин төрсөн хүмүүсийн доторⁿ үлддэг. Христээр уучлагдаж, мөхөөгддөг боловч энэ завхрал өөрөө болон түүний анхны хөдөлгөөнүүд үнэхээр бөгөөд зохих утгаараа^o нүгэл юм.