Бүлэг 26Чуулганы тухай

Сүнсний дотоод ажил ба нигүүлслийн үнэний хувьд үл үзэгдэх гэж нэрлэгдэж болох католик буюу бүх нийтийн Чуулган нь Христийн тэргүүн дор нэг болгогдохоор байсан, байгаа, байх бүх^a сонгогдсон хүмүүсийн бүрэн тооноос бүрдэнэ. Энэ Чуулган нь Түүний сүйт бүсгүй, бие, бүхний дотор бүгдийг Дүүргэгчийн дүүрэн байдал юм.

Дэлхий даяар Сайн мэдээний итгэл болон түүний дагуу Христээр дамжуулан Бурханд дуулгавартай байдлыг хүлээн зөвшөөрдөг, өөрсдийн хүлээн зөвшөөрлийг суурийг эвддэг алдаа эсвэл амьдралын ариун бус байдлаар үгүйсгэдэггүй бүх хүмүүс^b үзэгдэх ариун хүмүүс гэж нэрлэгдэж болно.^c Ийм хүмүүсээс бүх тусгай цуглаанууд бүрдэх ёстой.

Тэнгэрийн доорх хамгийн цэвэр чуулганууд ч^d холилдол ба алдаанд өртөмтгий. Зарим нь тийм их доройтож,^e Христийн чуулган биш, Сатаны синагогууд болсон. Гэсэн ч Христ энэ үеийн төгсгөл хүртэл Өөрт нь итгэж, нэрийг нь хүлээн зөвшөөрдөг хүмүүсээс бүрдэх^f хаанчлалыг үргэлж эзэмшиж ирсэн бөгөөд эзэмшсээр байх болно.

Эзэн Есүс Христ бол Чуулганы Тэргүүн. Эцгийн томилгоогоор чуулганыг дуудах, байгуулах, эмхлэх, захирахад хэрэгтэй^g бүх эрх мэдэл Түүнд дээд ба бүрэн эрхт байдлаар өгөгдсөн. Ромын пап ямар ч утгаар чуулганы тэргүүн байж чадахгүй; харин тэр бол^h Христийг эсэргүүцэгч, нүглийн хүн, сүйрлийн хөвгүүн бөгөөд чуулган дотор Христ болон Бурхан гэж нэрлэгддэг бүхний эсрэг өөрийгөө өргөмжилдөг нэгэн. Эзэн түүнийг ирэлтийнхээ гэрэлт сүрээр устгана.

Өөрт нь итгэмжлэгдсэн энэ эрх мэдлийг хэрэгжүүлэхдээ Эзэн Есүс Эцгээс Түүнд өгөгдсөн хүмүүсийг Үгийн үйлчлэлээр, Сүнсээрээ,ⁱ ертөнцөөс Өөртөө дууддаг. Ингэснээр тэд Түүний Үгэнд тэдэнд заасан дуулгавартай байдлын бүх^k замаар Түүний өмнө явна. Ийнхүү дуудагдсан хүмүүст Тэр харилцан босгон байгуулагдах болон ертөнцөд Түүний шаарддаг олон нийтийн мөргөлийг зохих ёсоор гүйцэтгэхийн тулд тусгай нийгэмлэг буюу^l чуулганууд болон хамт явахыг тушаадаг.

Эдгээр чуулганы гишүүд нь^m дуудлагаараа ариун хүмүүс бөгөөд өөрсдийн хүлээн зөвшөөрөл ба явдлаар Христийн тэр дуудлагад дуулгавартай гэдгээ үзэгдэхээр илэрхийлж, нотолдог. Тэд Христийн томилгооны дагуу хамт явахад сайн дураараа зөвшөөрч, Бурханы хүслээр өөрсдийгөө Эзэнд болон нэг нэгэндээ өгч,ⁿ Сайн мэдээний тогтоолуудад ил тод захирагдана.

Үгэндээ илэрхийлсэн Өөрийн хүслийн дагуу ийн цугласан чуулган бүрт Тэр тэдэнд сахиулахаар байгуулсан мөргөл ба сахилга дахь дэг журмыг хэрэгжүүлэхэд ямар нэг байдлаар хэрэгтэй бүх^o хүч ба эрх мэдлийг өгсөн. Мөн тэр хүчийг зохих, зөв байдлаар хэрэглэх ба гүйцэтгэх тушаал, дүрмүүдийг өгсөн.

Христийн хүслийн дагуу цугларч, бүрэн зохион байгуулагдсан тусгай чуулган нь албан тушаалтнууд ба гишүүдээс бүрдэнэ. Христээр томилогдсон, чуулганаар сонгогдож тусгаарлагдах ёстой албан тушаалтнууд нь үеийн төгсгөл хүртэл үргэлжлэх Түүний итгэмжилсэн, дуудсан тогтоолуудын онцгой үйлчлэл, эрх мэдэл эсвэл үүргийг хэрэгжүүлэхийн тулд^p харгалзагчид буюу ахлагчид ба үйлчлэгчид (диаконууд) юм.

Ариун Сүнсээр энэ албанд тохируулагдаж, бэлэг авсан хүнийг чуулган дахь харгалзагч буюу ахлагчийн албанд дуудах Христийн тогтоосон арга нь тэр хүнийг чуулганы өөрийнх нь нийтлэг^q саналаар сонгох явдал юм. Дараа нь мацаг ба залбирлаар, хэрэв урьд нь байгуулагдсан бол чуулганы^r ахлагчдын гар тавилтаар ёслолтойгоор тусгаарлана. Үйлчлэгч буюу диаконы хувьд^s мөн адил саналаар сонгож, залбирал ба гар тавилтаар тусгаарлана.

Пасторуудын ажил нь Христийн чуулганууд дахь Үг ба залбирлын үйлчлэлд тогтмол анхаарч,^t Түүнд тайлагнах хүмүүсийн хувьд сэтгэлийг нь сэрэмжлэн харгалзах явдал. Иймээс тэдний үйлчилдэг чуулганууд тэдэнд зохих бүх хүндэтгэлийг өгөхөөс гадна^u өөрсдийн чадлын дагуу бүх сайн зүйлээсээ хуваалцах үүрэгтэй. Ингэснээр тэд таатай хангалттай байж,^x энэ амьдралын хэрэгт хутгалдахгүй, мөн бусдад^y зочломтгой байж чадна. Энэ нь^z байгалийн хуулиар болон Сайн мэдээг тунхаглагчид Сайн мэдээгээр амь зуух ёстой гэж тогтоосон бидний Эзэн Есүсийн тодорхой тушаалаар шаардлагатай.

Чуулганы харгалзагчид буюу пасторууд албан тушаалаараа Үгийг номлоход хичээнгүй байх үүрэгтэй боловч Үгийг номлох ажил тэдэнд тийм онцгойгоор хязгаарлагдахгүй. Харин Ариун Сүнсээр үүнд^a бэлэгтэй, тохируулагдсан, чуулганаар зөвшөөрөгдөж дуудагдсан бусад хүмүүс ч үүнийг гүйцэтгэж болно, гүйцэтгэх ёстой.

Бүх итгэгчид боломжтой үедээ, боломжтой газраа тусгай чуулгануудад нэгдэх үүрэгтэй. Мөн чуулганы эрх ямбад хүлээн авагдсан бүх хүн Христийн дүрмийн дагуу тэр чуулганы^b сахилга ба захиргааны дор байна.

Чуулганы гишүүд өөрсдийг нь гомдоосон хүнтэй холбоотой шаардлагатай үүргээ биелүүлсний дараа, гомдлын улмаас чуулганы ямар нэг дэг журмыг үймүүлэх, чуулганы цуглаанууд эсвэл ямар нэг тогтоолын үйлчлэлээс өөрсдийгөө холдуулах ёсгүй. Харин чуулганы цаашдын ажиллагаанд^c Христийг хүлээх ёстой.

Чуулган бүр болон түүний бүх гишүүд бүх газарт байгаа Христийн бүх чуулганы сайн сайхан ба хөгжил дэвшлийн төлөө^d тасралтгүй залбирах үүрэгтэй. Мөн бүх боломжит тохиолдолд, хүн бүр өөрийн байр суурь ба дуудлагын хүрээнд, бэлэг ба нигүүлслийг хэрэгжүүлэн үүнийг дэмжих ёстой. Иймээс Бурханы захирлаар боломж ба давуу тал эдлэхээр суурьшсан чуулганууд өөрсдийн амар тайван, хайрын өсөлт, харилцан босгон байгуулалтын төлөө хоорондоо^e харилцаатай байх ёстой.

Сургаал эсвэл удирдлагын асуудлаар бэрхшээл, ялгаа гарахад, ерөнхийдөө чуулганууд хамаарах, эсвэл нэг чуулганы амар тайван, нэгдэл, босгон байгуулалт хамаарах, эсвэл ямар нэг чуулганы нэг эсвэл хэдэн гишүүн үнэн ба дэг журамд нийцээгүй сахилгын ажиллагаанд хохирсон бол, Христийн хүслийн дагуу харилцаатай олон чуулган төлөөлөгчдөөрөө цуглан тухайн ялгаатай асуудлыг авч үзэж,^f зөвлөгөө өгч, холбогдох бүх чуулганд мэдээлэх ёстой. Гэвч ийн цугласан төлөөлөгчдөд зохих утгаараа чуулганы эрх мэдэл, эсвэл чуулганууд дээр харьяалах шүүх эрх мэдэл итгэмжлэгдээгүй. Тэд ямар нэг чуулган эсвэл хүнийг сахилгажуулах, эсвэл шийдвэрээ чуулганууд эсвэл албан тушаалтнуудад^g тулгах эрхгүй.