Бүлэг 14Аврах итгэлийн тухай

Сонгогдсон хүмүүс сэтгэлээ аврахын тулд итгэх чадвартай болдог итгэлийн нигүүлсэл нь тэдний зүрхэндэх Христийн Сүнсний^a ажил юм. Энэ нь ердийн байдлаар^b Үгийн үйлчлэлээр бий болдог бөгөөд мөн тэр Үг, баптисм, Эзэний Зоог, залбирал болон Бурханы тогтоосон бусад арга хэрэгслээр өсөж,^c хүчирхэгждэг.

Энэ итгэлээр Христэч хүн Үгэнд илчлэгдсэн^* бүхнийг Бурханы Өөрийн эрх мэдлийн улмаас үнэн гэж итгэдэг. Мөн түүнд^d бусад бүх бичвэр, ертөнц дэх бүх зүйлээс давуу эрхэм чанар байгааг ойлгодог. Учир нь Үг Бурханы шинж чанарууд дахь алдрыг, Христийн мөн чанар ба албан тушаалууд дахь эрхэм чанарыг, Ариун Сүнсний үйлс ба үйл ажиллагаан дахь хүч ба дүүрэн байдлыг илэрхийлдэг. Иймээс тэр ингэж итгэсэн үнэнд сэтгэлээ^e даатгах чадвартай болдог. Мөн Үгийн хэсэг бүрт агуулагдах зүйлд өөр өөрөөр хандана:^f тушаалд дуулгавартай байж,^g сүрдүүлгээс чичирч, энэ амьдрал болон ирэх амьдралын төлөөх Бурханы^h амлалтуудыг тэврэнэ. Харин аврах итгэлийн гол үйлдлүүд Христтэй шууд холбоотой: зөвтгөл, ариусгал, мөнхийн амийн төлөө нигүүлслийн гэрээний хүчээр зөвхөнⁱ Түүнийг хүлээн авч, тэврэн, Түүн дээр амрах явдал юм.

Энэ итгэл зэрэглэлээрээ ялгаатай байж, сул^k эсвэл хүчтэй байж болох боловч хамгийн бага зэрэглэлдээ ч түр зуурын итгэгчдийн итгэл ба^l нийтлэг нигүүлслээс төрөл буюу мөн чанараараа өөр. Тиймээс энэ итгэл олон удаа довтлогдож, сулрах боловч^m ялалтыг олдог. Олон хүний дотор энэ нь Христээр дамжин бүрэнⁿ баталгаанд хүрэх хүртэл өсдөг. Христ бол бидний итгэлийн^o Эхлүүлэгч ба Төгсгөгч юм.