Бүлэг 23Хууль ёсны тангараг ба андгайны тухай

Хууль ёсны тангараг нь шашны мөргөлийн нэг хэсэг бөгөөд^a үнэн, зөвт байдал, шүүлтийн дотор тангараглагч хүн тангараглаж буй зүйлдээ Бурханыг ёслолтойгоор гэрч болгон дууддаг;^b мөн түүний үнэн эсвэл худлын дагуу өөрийг нь шүүхийг Бурханд даатгадаг.

Хүмүүс тангараглахдаа зөвхөн Бурханы нэрээр тангараглах ёстой бөгөөд түүнийг бүх ариун айдас, хүндэтгэлээр хэрэглэх ёстой. Иймээс тэр алдар суут, аймшигт нэрээр хоосон эсвэл хөнгөнөөр тангараглах, эсвэл ер нь өөр ямар нэг зүйлээр тангараглах нь нүгэл бөгөөд^c жигшигдэх ёстой. Гэвч үнэнийг батлах,^d бүх маргааныг дуусгах чухал, ноцтой асуудалд тангараг Бурханы Үгээр зөвшөөрөгдсөн. Тиймээс ийм асуудлуудад хууль ёсны эрх мэдлээр^e тавигдсан хууль ёсны тангарагийг авах ёстой.

Бурханы Үгээр зөвшөөрөгдсөн тангараг авдаг хүн ийм ёслолтой үйлдлийн жинг зохих ёсоор бодох ёстой. Тэнд тэр зөвхөн үнэн гэдгийг мэдэх зүйлээ л батлах ёстой. Учир нь хөнгөн, худал, хоосон тангарагаар^f Эзэн уурлуулдаг бөгөөд тэдгээрийн улмаас энэ газар гашууддаг.

Тангараг үгсийн энгийн,^g нийтлэг утгаар авагдах ёстой. Давхар утга хэрэглэх эсвэл оюун дотроо нөөц тайлбар хадгалах ёсгүй.

Андгайг ямар ч бүтээлд бус, зөвхөн Бурханд^h өргөх ёстой бөгөөд бүх шашны анхаарал, үнэнч байдлаар өргөж, биелүүлэх ёстой. Харин папын шашны сүм хийдийн андгай, тухайлбалⁱ насан турш ганц бие байх, тунхагласан^k ядуурал, дүрэмт дуулгавартай байдал нь илүү өндөр төгс байдлын зэрэглэл байх нь байтугай мухар сүсэгтэй,^l нүгэлт урхи бөгөөд ямар ч Христэч хүн өөрийгөө түүнд орооцолдуулах ёсгүй.