Бүлэг 21Христэч эрх чөлөө ба мөс чанарын эрх чөлөөний тухай

Сайн мэдээний дор итгэгчдэд Христийн худалдан авсан эрх чөлөө нь нүглийн буруу, Бурханы яллагч уур хилэн, хуулийн хатуу чанар ба^a хараалаас чөлөөлөгдөхөд оршино. Мөн одоогийн бузар булай энэ^b үе,^c Сатаны боолчлол,^d нүглийн ноёрхол,^e зовлонгийн муу, үхлийн айдас ба^f хатгуур, булшны ялалт,^g мөнхийн яллалаас чөлөөлөгдөнө. Түүнчлэн тэд^h Бурханд чөлөөтэй ойртож, Түүнд боолын айдсаар бус,ⁱ хүүхдийн хайраар, хүсэлтэй оюунаар дуулгавартай болдог.

Эдгээр нь мөн чанараараа хуулийн дор байсан итгэгчдэд ч^k нийтлэг байсан. Харин Шинэ Гэрээний дор Христэчдийн эрх чөлөө илүү өргөжсөн: Еврей чуулганы дор байсан ёслолын хуулийн буулгаас чөлөөлөгдөх, нигүүлслийн хаан ширээнд илүү итгэлтэйгээр ойртох, мөн хуулийн дор байсан итгэгчид ердийн байдлаар хүртдэг байснаас илүү бүрэн^l Бурханы хүслэнт Сүнсний харилцааг авах явдал юм.

Зөвхөн Бурхан^m мөс чанарын Эзэн бөгөөд Өөрийн Үгэнд эсрэг эсвэл түүнд агуулагдаагүй хүний сургаал ба тушаалуудаасⁿ мөс чанарыг чөлөөтэй үлдээсэн. Ийм сургаалд итгэх эсвэл ийм тушаалд мөс чанараараа дуулгавартай байх нь^o мөс чанарын жинхэнэ эрх чөлөөнөөс урвах явдал. Мөн^p сохор, далд итгэл болон үнэмлэхүй, сохор дуулгавартай байдлыг шаардах нь мөс чанарын эрх чөлөө, мөн учир шалтгааныг ч устгах явдал юм.

Христэч эрх чөлөөний нэрийн дор ямар нэг нүгэл үйлдэж эсвэл нүгэлт хүсэл тачаалыг тэжээдэг хүмүүс Сайн мэдээний нигүүлслийн гол зорилгыг^q өөрсдийн сүйрэл болгон гажуудуулдаг. Мөн тэд Христэч эрх чөлөөний зорилгыг^r бүхэлдээ устгадаг. Тэр зорилго нь бид бүх дайсныхаа гараас аврагдаж, бүх өдрүүдийнхээ турш Түүний өмнө ариун болоод зөвт байдал дотор айдас түгшүүргүйгээр Эзэнд үйлчлэх явдал юм.