Бүлэг 2Бурхан ба Ариун Гурвалын тухай

Бидний Эзэн Бурхан бол^a ганцхан амьд бөгөөд үнэн Бурхан. Түүний^b оршихуй Өөртөө ба Өөрөөсөө байдаг. Тэр оршихуй ба төгс байдалдаа^c хязгааргүй бөгөөд Түүний мөн чанарыг Өөрөөс нь өөр хэн ч бүрэн ойлгож чадахгүй. Тэр бол^d хамгийн цэвэр Сүнс,^e үл үзэгдэгч, бие, хэсэг, хүний мэт хүсэл хөдөлгөөнгүй. Тэр ганцаараа үхэшгүй мөнхийг эзэмшдэг бөгөөд хүршгүй гэрлийн дотор оршдог. Тэр^f өөрчлөгдөшгүй,^g хэмжээлшгүй,^h мөнхийн, ойлгогдошгүй,ⁱ Төгс хүчит, бүх талаар хязгааргүй,^k хамгийн ариун, хамгийн мэргэн, хамгийн чөлөөт, хамгийн эрхэм дээд. Тэр Өөрийн өөрчлөгдөшгүй бөгөөд хамгийн зөвт хүслийн зөвлөлийн дагуу^l бүх зүйлийг үйлддэг;^m Өөрийн алдрын төлөө хамгийн хайр дүүрэн, нигүүлсэнгүй, өрөвч, уурлахдаа удаан, энэрэл хайр ба үнэнээр бялхам, гэмт хэрэг, гэм буруу, нүглийг уучилдаг,ⁿ Өөрийг нь хичээнгүйлэн хайгчдыг шагнагч; мөн хамгийн шударга,^o шүүлтүүддээ аймшигтай,^p бүх нүглийг үзэн яддаг бөгөөд^q гэмтнийг огт шийтгэлгүй орхихгүй.

Бурханд бүх^r амь,^s алдар,^t сайн сайхан, ерөөл жаргал Өөрт нь ба Өөрөөс нь байдаг. Тэр Өөртөө болон Өөрийнхөө төлөө ганцаараа бүх талаар хангалттай бөгөөд бүтээсэн ямар ч амьтнаас^u хэрэгцээтэй биш, тэднээс ямар ч алдар авдаггүй. Харин Өөрийн алдрыг тэдний дотор, тэднээр дамжуулан, тэдэнд болон тэдний дээр илэрхийлдэг. Тэр бол бүх оршихуйн цорын ганц эх булаг;^x бүх юм Түүнээс, Түүгээр, Түүнд байдаг. Тэр бүх бүтээл дээр хамгийн дээд^y ноёрхолтой бөгөөд Өөрт таалагдсаныг тэднээр, тэдний төлөө, эсвэл тэдний дээр үйлддэг. Түүний мэлмийн өмнө^z бүх зүйл нүцгэн бөгөөд ил. Түүний мэдлэг^a хязгааргүй, алдаа мадаггүй, бүтээлээс үл хамаарах тул Түүнд санамсаргүй эсвэл тодорхойгүй зүйл үгүй. Тэр Өөрийн бүх зөвлөл,^b бүх үйлс, бүх тушаалдаа хамгийн ариун. Түүнд тэнгэр элч нар ба хүмүүс бүтээлийн хувьд Бүтээгчдээ өртэй мөргөл, үйлчлэл, дуулгавартай байдал, мөн Түүний цаашид шаардахаар таалсан бүхнийг^c өргөх ёстой.

Энэ тэнгэрлэг бөгөөд хязгааргүй Оршихуйд гурван оршихуй байна:^d Эцэг, Үг буюу Хүү, Ариун Сүнс. Тэд нэг мөн чанар, хүч чадал, мөнх чанартай бөгөөд тус бүр бүхэл тэнгэрлэг мөн чанарыг эзэмшдэг;^e гэхдээ мөн чанар нь хуваагдаагүй. Эцэг хэнээс ч биш: төрөөгүй, гараагүй. Хүү^f Эцгээс мөнхөд төрсөн. Ариун Сүнс^g Эцэг ба Хүүгээс гардаг. Тэд бүгд хязгааргүй, эхлэлгүй тул нэг л Бурхан бөгөөд мөн чанар ба оршихуйдаа хуваагдахгүй; харин тусгай, харилцан хамаарах шинж чанар ба хувь оршихуйн харилцаагаараа ялгаатай. Гурвалын энэ сургаал бол Бурхантай байх бидний бүх нөхөрлөл ба Түүнд найдах тайтгаралтай найдварын үндэс юм.