Бүлэг 32Эцсийн шүүлтийн тухай

Бурхан нэг өдрийг тогтоосон бөгөөд тэр өдөр Тэр ертөнцийг^a Есүс Христээр шударгаар шүүнэ. Эцэг бүх эрх мэдэл ба шүүлтийг Түүнд өгсөн. Тэр өдөр зөвхөн^b урвасан тэнгэр элч нар шүүгдэхгүй, мөн дэлхий дээр амьдарсан бүх хүмүүс Христийн шүүхийн суудлын өмнө гарч ирж,^c өөрсдийн бодол, үг, үйлсийн тайланг өгч, биеэрээ үйлдсэн сайн эсвэл муугийнхаа дагуу хүлээн авна.

Бурхан энэ өдрийг тогтоосон зорилго нь сонгогдсон хүмүүсийн мөнхийн авралд Өөрийн өршөөлийн алдрыг,^d мөн ёрын муу, дуулгаваргүй хаягдсан хүмүүсийн мөнхийн яллалт дахь Өөрийн шударга ёсны алдрыг илэрхийлэхийн төлөө юм. Тэр үед зөвт хүмүүс мөнх аминд орж, Эзэний^e оршихуйд бүрэн баяр хөөр ба алдрыг мөнхийн шагналтайгаар хүлээн авна. Харин Бурханыг мэддэггүй, Есүс Христийн Сайн мэдээнд дуулгавартай байдаггүй ёрын муу хүмүүс мөнхийн зовлонд хаягдаж, Эзэний оршихуйгаас болон Түүний хүчний алдраас таслагдан^f мөнхийн сүйрлээр шийтгэгдэнэ.

Христ шүүлтийн өдөр заавал байх болно гэдэгт биднийг баттай итгүүлэхийг хүсдэг. Энэ нь бүх хүнийг нүглээс^g сэрэмжлүүлэх, мөн бурханлаг хүмүүсийг зовлон дунд нь илүү их^h тайтгаруулахын төлөө юм. Мөн Тэр тэр өдрийг хүмүүст мэдэгдээгүй байлгахыг хүсдэг. Ингэснээр тэд махан биеийн бүх хуурамч аюулгүй байдлыг сэгсэрч хаяж,ⁱ Эзэн ямар цагт ирэхийг мэдэхгүй тул үргэлж сэрэмжтэй байж, мөн үргэлж “^k Ирээрэй, Эзэн Есүс ээ, хурдан ирээрэй. Амен” гэж хэлэхэд бэлэн байх юм.