Бүлэг 16Сайн үйлсийн тухай

Сайн үйлс бол зөвхөн Бурхан Өөрийн Ариун Үгэндээ^a тушаасан зүйлс юм. Түүний баталгаагүйгээр хүмүүс сохор хичээл зүтгэлээр^b эсвэл сайн санааны ямар нэг нэрийн дор зохиосон зүйлс сайн үйлс биш.

Бурханы тушаалд дуулгавартайгаар хийсэн эдгээр сайн үйлс нь жинхэнэ, амьд итгэлийн^c үр жимс ба нотолгоо юм. Тэдгээрээр итгэгчид^d талархлаа илэрхийлж,^e баталгаагаа бэхжүүлж,^f ах дүүсээ босгон байгуулж, Сайн мэдээний хүлээн зөвшөөрлийг чимж, эсэргүүцэгчдийн амыг таглаж,^g Бурханыг алдаршуулдаг. Учир нь тэд Түүний бүтээл бөгөөд Христ Есүс дотор^h тэдгээрийн төлөө бүтээгдсэн. Ингэснээр тэд ариусгалд хүрэх үр жимстэй байж, төгсгөл ньⁱ мөнх амь болно.

Тэдний сайн үйлс хийх чадвар өөрсдөөс нь огт гардаггүй, харин бүхэлдээ Христийн^k Сүнснээс гардаг. Тэд үүнийг хийх чадвартай байхын тулд аль хэдийн авсан нигүүлслээс гадна, Сүнс Өөрийн сайн тааллын дагуу тэдний дотор хүсэх ба үйлдэхийг ажиллуулах бодит^l нөлөө хэрэгтэй. Гэвч үүнээс болж тэд Сүнсний онцгой хөдөлгөөнгүй бол ямар ч үүрэг хийх албагүй мэт хайхрамжгүй болох ёсгүй. Харин тэдний дотор байгаа Бурханы нигүүлслийг^m бадраахад хичээнгүй байх ёстой.

Энэ амьдралд боломжтой хамгийн өндөр дуулгавартай байдалд хүрсэн хүмүүс ч Бурханы шаардсанаас илүүг хийх нь байтугай, үүргээрээ хийх ёстой их олон зүйлдⁿ дутдаг.

Бидний хамгийн сайн үйлс ч нүглийн уучлал эсвэл мөнх амийг Бурханаас гавьяагаар авч чадахгүй. Учир нь тэдгээр үйлс болон ирэх алдар хоёрын хооронд асар их зөрүү, мөн бид ба Бурханы хооронд хязгааргүй зай бий. Тэдгээрээр бид Түүнд ашиг ч өгч,^o өмнөх нүглийнхээ өрийг ч хангаж чадахгүй. Бид чадах бүхнээ хийсний дараа ч зөвхөн үүргээ л хийсэн, зохисгүй боолууд хэвээр байна. Түүнчлэн эдгээр үйлс сайн гэдгээрээ Түүний^p Сүнснээс гардаг боловч биднээр үйлдэгдэхдээ^q бузарлагдаж, ийм их сул дорой ба төгс бус байдалтай холилдсон тул Бурханы шүүлтийн хатуу байдлыг дааж чадахгүй.

Гэсэн ч итгэгчдийн бие хүмүүс Христээр дамжин хүлээн зөвшөөрөгдсөн тул тэдний сайн үйлс ч^r Түүний дотор хүлээн зөвшөөрөгдөнө. Энэ нь энэ амьдралд Бурханы өмнө тэдгээр үйлс бүхэлдээ буруугүй, зэмлэлгүй гэсэн үг биш. Харин Тэр Хүүгийнхээ дотор тэднийг харж, олон сул дорой ба төгс бус зүйл дагалдсан ч^s чин үнэнээр хийсэн зүйлийг хүлээн авч, шагнахаар таалдаг.

Дахин төрөөгүй хүмүүсийн үйлс агуулгаараа Бурханы тушаасан, өөрсдөд нь болон^t бусдад ашигтай зүйлс байж болно. Гэсэн ч тэдгээр нь^u итгэлээр цэвэршсэн зүрхнээс гараагүй,^w Үгийн дагуу зөв хэлбэрээр хийгдээгүй,^x Бурханы алдрын зөв зорилгын төлөө биш учраас нүгэлтэй бөгөөд Бурханд таалагдаж чадахгүй. Тэдгээр нь хүнийг Бурханаас^y нигүүлсэл авахад зохистой болгож чадахгүй. Гэхдээ тэдгээрийг үл тоомсорлох нь бүр илүү нүгэлтэй бөгөөд Бурханд^z тааламжгүй юм.