Бүлэг 18Нигүүлсэл ба авралын баталгааны тухай

Түр зуурын итгэгчид болон дахин төрөөгүй бусад хүмүүс Бурханы таалал ба авралын байдалд байгаа тухай хуурамч найдвар, махан биеийн бардам таамгаар өөрсдийгөө хоосон мэхэлж болох бөгөөд^a тэдний найдвар мөхнө. Харин Эзэн Есүст үнэхээр итгэж, Түүнийг чин үнэнээр хайрлаж, Түүний өмнө бүх сайн мөс чанараар явахыг хичээдэг хүмүүс энэ амьдралд нигүүлслийн байдалд байгаа гэдэгтээ^b баттай итгэлтэй байж, Бурханы алдрын найдварт баярлаж чадна. Энэ найдвар тэдний урмыг хэзээ ч^c хугалахгүй.

Энэ баталгаа нь алдаа гарч болох^d найдвар дээр тулгуурласан зүгээр нэг таамаг, магадлалтай үнэмшил биш. Харин Сайн мэдээнд^e илчлэгдсэн Христийн цус ба зөвт байдал дээр үндэслэсэн итгэлийн алдаа мадаггүй баталгаа юм. Мөн амлалтууд өгөгдсөн Сүнсний нигүүлслүүдийн дотоод^f нотолгоо, биднийг Бурханы хүүхдүүд мөн гэж бидний сүнстэй хамт гэрчилдэг^g үрчлэлийн Сүнсний гэрчлэл дээр үндэслэнэ. Үүний үр жимсээр зүрх^h даруу ба ариун байдалд хадгалагдана.

Энэ алдаа мадаггүй баталгаа итгэлийн мөн чанарт тийм байдлаар хамаарахгүй тул жинхэнэ итгэгч түүндⁱ хүртэхээсээ өмнө удаан хүлээж, олон бэрхшээлтэй тэмцэж болно. Гэсэн ч Сүнсээр Бурханаас түүнд чөлөөтэй өгөгдсөн зүйлсийг мэдэх чадвартай болгогдвол, онцгой илчлэлтгүйгээр, арга хэрэгслүүдийг зөв хэрэглэхдээ^k түүнд хүрч чадна. Иймээс хүн бүр дуудлага ба сонголтоо бататгахад бүх хичээл зүтгэлээ гаргах үүрэгтэй. Ингэснээр түүний зүрх Ариун Сүнс доторх амар тайван ба баяр баясгалангаар, Бурханд хандах хайр ба талархлаар, дуулгавартай байдлын үүргүүдэд хүч ба баяртай байдлаар өргөжинө. Эдгээр нь энэ баталгааны зохих^l үр жимс бөгөөд энэ нь хүмүүсийг сул задгай байдал руу^m огт хандуулдаггүй.

Жинхэнэ итгэгчдийн авралын баталгаа олон янзаар ганхаж, багасаж, тасалдаж болно: түүнийг хадгалахдааⁿ хайхрамжгүй байснаар; мөс чанарыг шархлуулж, Сүнсийг гомдоодог тодорхой^o онцгой нүгэлд унаснаар; гэнэтийн эсвэл^p хүчтэй сорилтоор; мөн Бурхан Өөрийн нүүрний^q гэрлийг татаж, Өөрөөс нь эмээдэг хүмүүсийг хүртэл харанхуйд явж, гэрэлгүй байхыг зөвшөөрснөөр. Гэсэн ч тэд Бурханы^r үр,^s итгэлийн амь, Христ ба ах дүүсийн хайр, зүрхний чин үнэн, үүргийн мөс чанараас хэзээ ч бүрэн хоосрохгүй. Эдгээрээс Сүнсний үйлчлэлээр энэ баталгаа тогтоосон цагтаа^t дахин сэргэж болно. Мөн эдгээрээр тэд энэ хооронд^u бүрэн цөхрөлөөс хамгаалагдана.