Бүлэг 10Үр нөлөөтэй дуудлагын тухай

Бурхан амьдралд урьдаас тогтоосон хүмүүсээ Өөрийн тогтоосон, тааламжит цагт Үг ба Сүнсээрээ^a үр нөлөөтэйгөөр дуудан, тэдний төрөлхийн нүгэл ба үхлийн байдлаас Есүс Христээр дамжих^b нигүүлсэл ба аврал руу авчирдаг. Тэр тэдний оюун ухааныг сүнслэг ба авралын утгаар Бурханы зүйлсийг^c ойлгохоор гэгээрүүлж, тэдний^d чулуун зүрхийг авч, махан зүрх өгдөг. Тэр тэдний хүслийг шинэчилж, Өөрийн төгс хүчит хүчээр тэднийг^e сайн зүйл рүү шийдүүлж, Есүс Христ рүү үр нөлөөтэй татдаг. Гэсэн ч тэд Түүний нигүүлслээр хүсэлтэй болгогдсон учир^f хамгийн чөлөөтэйгээр ирдэг.

Энэ үр нөлөөтэй дуудлага нь зөвхөн Бурханы чөлөөт, онцгой нигүүлслийнх бөгөөд^g хүний дотор урьдчилан харагдсан ямар ч зүйлээс, эсвэл бүтээлийн ямар нэг хүч, үйл ажиллагаа Түүний онцгой нигүүлсэлтэй хамтран ажилласнаас гарахгүй.^h Бүтээл энэ үйлдэлд бүрэн идэвхгүй бөгөөд нүгэл, хилэнц дотор үхсэн хэвээр байдаг. Харин Ариун Сүнсээр амьдруулагдаж, шинэчлэгдсэний дараа л тэр дуудлагад хариулж, түүнд санал болгогдож дамжуулагдсан нигүүлслийг тэврэх чадвартай болдог. Энэ нь Христийг үхэгсдээс амилуулсан хүчнээсⁱ дутуугүй хүчээр болдог.

Нялхдаа нас барсан сонгогдсон хүүхдүүд^k Христээр, Сүнсээр дамжин дахин төрж аврагддаг. Сүнс Өөрийн таалснаар хэзээ, хаана,^l хэрхэн ажиллана. Үгийн үйлчлэлээр гаднаас дуудагдах чадваргүй бусад бүх сонгогдсон хүмүүс ч мөн адил.

Сонгогдоогүй бусад хүмүүс Үгийн үйлчлэлээр дуудагдаж^m, Сүнсний зарим нийтлэг үйл ажиллагааг амсаж болох боловч Эцгээр үр нөлөөтэй татагдаагүй тул Христ рүү үнэхээрⁿ ирэхийг хүсэхгүй, ирж ч чадахгүй. Иймээс аврагдаж чадахгүй. Христэч шашныг хүлээн авдаггүй хүмүүс^o байгалийн гэрэл болон өөрсдийн шүтдэг шашны хуулийн дагуу амьдралаа тохируулахад хэчнээн хичээнгүй байсан ч бүр ч аврагдаж чадахгүй.